“Wabiro Puonjore Bug Mor mar Joot”

Chakre juma machakore Jun 27, 2011 wabiro puonjore bug Be Ing’eyo Gima Kelo Mor mar Joot e Puonjruok Muma e Kanyakla. Waduto wagombo ahinya yudo puonj mogol e Ndiko makonyowa bedo gi ngima mamor mar joot. Chenro mar puonjruok biro chiwo thuolo mar nono matut paragraf ka paragraf kaachiel gi ndiko mag Muma mayudore e bugno.

Chenrono biro miyowa thuolo moromo mar somo kendo wuoyo kuom ndiko duto moketi kendo neno kaka wanyalo tiyo gi ndiko mondik achiel kachiel e paragraf.

Achiel kuom weche madongo e puonjruok en wuoyo kitiyo gi sanduk moting’o thuond weche mayudore e giko sula ka sula. Omiyo, onego owe thuolo moromo nono penjo kod ndiko moketi e sandugno.

Ijiwo jogo momi migawo mar tayo mondo otim ikruok maber ne puonjruokno kendo jiwo ji duto, moriwo nyaka joma nyien mondo otim ikruok maber, gibi e chokruok kendo gichiw paro.​—⁠od-SW 43-45.