Nono Ndiko Pile Koro Ok Bi Tigo e Tayo Romo mar Dhi Lendo

E kinde mokalo, jal matayo romo mar dhi lendo ne nyalo wuoyo machuok kuom ndiko modiechieng’ kapo ni otudore gi tij lendo. Nitie lokruok mitimo e wachni. Bug Nono Ndiko Pile koro ok bi tigo e tayo romo mar dhi lendo. Mana kaka osebedo kitimo, joma tayo romono nyalo tiyo gi Muma, Tijwa mar Pinyruoth, bug Shule ya Huduma, bug Kutoa Sababu, kata mamoko motudore gi tij lendo. Joma nigi migawo mar tayo romono onego otim ikruok chon kuom weche mabiro konyo joma dhi lendo e odiechiengno. Mana kaka e kinde mosekalo, romono ok onego okal dakika 10 nyaka 15, kendo onego okaw dakika matin ne mago kapo ni itime bang’ chokruok mar kanyakla.