Be Ochuno ni Itiek Chon?

Nitie jolendo ma oseketo sa ma gitiekoe lendo, kaka sa auchiel kama. En adier ni nitie gik manyalo miyo jolendo moko otiek lendo e sa ma gisechano. Kata kamano, be ochuno ni in be itiek lendo mana nikech joma un-go e grup otieko, kata nikech nitie sa ma useng’iyo ni kochopo to utieko lendo? Donge inyalo dhi nyime mana matin mondo ilend e wang’ yore, kata kuonde mamoko? Donge inyalo dok timo limbe moko sama in e yo kidok pacho? Parie nyak manyalo bedoe ka iyudo ng’at ma idok limo kata ka imiyo ng’ato gasede e wang’ yo! Kuom adier, ka onge gima chunowa ni nyaka watiek lendo chon, ber mondo wadhi nyime mana matin mondo wamed chiwo “misango ma en pak.”​—Hib. 13:15.