“Wabiro Limi Mondo . . . ”

Seche ma wadwong’o dhout ji ka walendo ot ka ot, weg udi moko nyalo penjore e chunygi ni wan ng’a gini, to ang’o momiyo wadhi e utegi kata miechgi. Nikech dwaher ni pachgi okuwe sama wawuoyo kodgi, ang’o ma wanyalo wacho sama wachako mbaka? Jolendo moko ohero wacho gima okelogi mapiyo bang’ moso weg udi. Kuom ranyisi, ginyalo wacho kama: “Wabiro limi mondo wawuo kuom wach mahundu ma sani okwako piny. Be iparo ni . . . ” kata “Wabiro limi mondo wanyisi kaka inyalo puonjori Muma maonge chudo.” Timo kamano ber nikech ka wuon ot ofwenyo mapiyo gimomiyo ulime, yot mondo oyaw chunye kendo ochik ite ne wach ma uterone.