Kaka Wanyalo Medo Lony e Tij Lendo​—Iko Weche ma Wachakogo Wuoyo

Gimomiyo Mano Dwarore: Kapo ni weche ma wachakogo wuoyo gi ji ok mak pachgi, ginyalo ng’ado mbaka kata kapok wachako landonegi wach ma wan-go. Mano e momiyo jolendo mang’eny neno ni weche ma gichakogo wuoyo gi weg udi e weche monego ginon moloyo. Kata obedo ni weche mwanyalo chako wuoyogo gi wuon ot yudore e Tijwa mar Pinyruoth kod bug Kutoa Sababu, ok ochuno ni wati gi wechego mana kaka ondikgi kuondego, kar mano, wanyalo ketogi mondo gibed mowinjore gi alworawa. Kata kapo ni ochannwa achiel kachiel weche ma wanyalo chako wuoyogo gi ji, pod wanyalo chano wechego e yo machielo kata wanyalo iko magwa wawegi. Omiyo, wanyalo yudo nyak e tij lendo ka waiko weche ma wabiro chakogo mbaka gi weg udi chon kar rito ni nyaka wachop e od ng’ato eka wachako wuoyo e wi gimoro amora mobiro e pachwa.—Nge. 15:28.