Weche Mwanyalo Chako Wuoyogo gi Ji

Gima Wanyalo Wacho Sama Wagwelo Ji e Rapar

“Wagwelo ji duto e romo moro makende ma ibiro tim e piny mangima. Romono en mar paro tho Yesu Kristo kendo ibiro time tarik 14 e dwe mar April. Chieng’no, ji tara gi tara biro chokore kuonde mopogore opogore mondo giwinj twak mowuok e Muma malero kaka tho mar Yesu Kristo nyalo konyo ngimawa. Kalatasni nyiso sa kod kama ibiro timie romono e alworawa ka.”

Ohinga mar Jarito April 1

“Walimi mondo wawuo kuom wach moro ma thoth ji timo. Chiegni ni ji duto lemoga, bed ni gin e din mane. Be iparo ni Nyasaye dwokoga lamowa, koso lamowago gin mana mag miyowa chuny mokuwe sama wan gi chandruok? [Rit dwoko.] Nee gima Muma wacho e wi lamo. [Som 1 Johana 5:​14.] Gasedni lero kaka lamo nyalo konyowa.”

Amkeni! April

“Wabiro limi mondo wawuo kuom chandruok moro ma tinde onya ahinya. Nitie jomoko ma temoga dere kata negore giwegi nikech chandruoge mathoth ma giromogo. Sama ng’ato paro mar dere nikech chandruoge ma en-go, be iparo ni tho ema ogombo koso odwaro mana ni oyue ne chandruogenego? [Rit dwoko.] Daher somonie ndiko moro ei Muma ma osekonyo ji mang’eny mondo gibed gi paro mowinjore kata sama gin gi chandruok. [Som Fweny 21:​3, 4.] Gasedni lero weche moko adek momiyo onego wabed gi paro mowinjore sama wanyagore gi chandruoge.”