AGOST 5-11

MWANDU MA YUDORE E WACH NYASAYE

1. Land Teko mar Jehova ne ‘Tieng’ Mabiro’

(Dak. 10)

Daudi ne oneno kaka Jehova norite maber ka ne pod en rawera (Za 71:5; w99-SW 9/1 18 ¶17)

Daudi ne oneno kaka Jehova ne okonye ka koro ne oseti (Za 71:9; g04-SW 10/8 23 ¶3)

Daudi nojiwo joma tindo kuom nyisogi gik ma notimore e ngimane (Za 71:17, 18; w14 1/15 23 ¶4-5)

Joot ma ne onyis juma mokalo e kare mar “Gik Manyalo Konyo e Lamo mar Joot.” Gigwelo owadwa moro gi chiege moseti e lamo margi mar joot. Gimor sama gineno pichni kendo winjo gik mosetimore e ngima owadwano gi chiege.

PENJRI ANE KAMA: ‘En owadwa kata nyaminwa mane mosetiyo ne Jehova kuom higni mang’eny ma daher wuoyogo e Lamowa mar Joot?’

2. Puonj Manie Wach Nyasaye

(Dak. 10)

Za 72:8—Ere kaka weche ma Jehova nosingo ne Ibrahim e Chakruok 15:18 nochopo e kinde loch mar Ruoth Solomon? (it-1-E 768)

Dwokoni
Somo mar Muma ma jumani opuonji wach mane?

Dwokoni

3. Somo Muma

(Dak. 4) Za 71:1-24 (th somo 5)

TIEGRI NE TIJ LENDO

4. Chako Mbaka

(Dak. 3) OT KA OT. Ng’ad mbaka e yo mang’won ka ng’atno ochako mino kodi wach. (lmd sula mar 4 point mar 5)

5. Dok Limbe

(Dak. 4) LENDO SAMA IN E DIJENI. Dhi nyime goyo mbaka gi watni moro ma pod ok oikore puonjore Muma. (lmd sula mar 8 point mar 4)

6. Lero Yieni

(Dak. 5) Twak. ijwfq 49—Wiye: Ang’o Momiyo Joneno mag Jehova Oseloko Moko Kuom Puonj ma Giyiego? (th somo 17)

NGIMAWA KAKA JOKRISTO

7. Paro Moko Munyalo Tiyogo e Lamo mar Joot

(Dak. 15) Wuoyo.

Joodno ochung’ sama gitiegore wero wend Pinyruoth.

Joodno neno program mar JW Broadcasting.

Achiel kuom nyigi dwoko mamagi sama gitiegore e kinde Lamo mar Joot.

Jonyuol yudo thuolo mar ‘rieyo kendo puonjo nyithindgi kaka Jehova dwaro’ e Lamo mar Joot. (Ef 6:4) Puonjruok dwaro kinda, kata kamano, onyalo bedo mamit moloyo ka nyithindo nigi gombo mar puonjore adiera mag Muma. (Joh 6:27; 1Pe 2:2) Nonuru sanduku ma wiye wacho ni “Paro Moko Munyalo Tiyogo e Lamo mar Joot,” ma nigi paro moko ma nyalo konyo jonyuol timo lamo margi mar joot e yo maber kendo ma konyo, kae to uwuo e wi penjo ma luwogi:

E kind paro mochiwgo, en mane ma duher tiyogo?

Dwokoni
Be ineno paro moro machielo ma nyalo konyou?

Dwokoni

PARO MOKO MUNYALO TIYOGO E LAMO MAR JOOT

MUMA:

Winjuru somo mar Muma ma juma ka juma kata usome gi dwol ka uwiloru uwiloru. Ng’ato ka ng’ato nyalo somo weche mag ng’at mopogore e sula ma usomono
Ikuru penjo moko motudore gi somo mar Muma ma jumano. Ng’ato ka ng’ato nyalo bedo gi penjo moro monego otimie nonro kae to unyalo wuoyo e wi gik ma upuonjoru
Unyalo temo paro penjo kata chal moro munyalo romogo kae to unon puonj mag Muma motudore gi wachno e bug Ndiko ma Konyowa Dak Kaka Jokristo
Timuru drama mar sigana moro ma yudore e Muma
Losuru kad moting’o ndiko mopogore opogore juma ka juma kae to utem makogi gi wiu. Unyalo tiyo gi ndiko ma yudore e Apendiks A e brosua mar Her Ji—Konygi Gibed Jopuonjre. Nonuru kendo kad mag jumbe mosekalo
Unyalo puonjoru sula moro e bug Inyalo Dak gi Mor Nyaka Chieng’!
Miuru ng’ato ka ng’ato migawo mar ndiko ripot moro matin kotiyo gi sula ma wacho ni “Dwoko Penjo ma Ji Nigo e wi Muma” kata “Lero Tiend Ndiko mag Muma,” ma yudore e bwo PUONJ MAG MUMA e jw.org/luo

CHOKRUOGE:

Ikuru chokruok kanyachiel
Ikuru paro mubiro chiwo kendo utiegru ka ung’iyo sa
Weruru wende mag Pinyruoth
Wuouru kuom weche munyalo jiwogo jomamoko ka pok chokruok ochakore kata bang’ chokruok
Ka achiel kuomu nigi migawo e chokruok ma kor juma, tiegreuru kanyachiel kaka inyalo tim migawono

TIJ LENDO:

Ikuru weche munyalo tiyogo sama ulendo ot ka ot
Ikreuru ne dok timo limbe
Temuru paro kaka unyalo lendo sama un e dijeu kendo utiegru kaka unyalo chako mbaka gi ji
Wuouru e wi kaka unyalo lendo kuom seche momedore e kinde mag Rapar kata sama un e rusa

DWARO MAG JOOT:

Tiegreuru e wi gima unyalo timo ka wach moro osieko, kaka weche motudore gi ywaruok mag pinyni, kwinyo e skul, kisera, kata nyasi
Beduru gi kinde mag tiegruok. Nyithindo nyalo timo kar jonyuol to jonyuol timo kar nyithindo sama gitiegore. Nyithindo nyalo timo nonro e wi wach moro, kae to gilere ne jonyuolgi

PARO MAMOKO MA UNYALO TIYOGO:

Neuru program moro mar JW Broadcasting^® kae to uwuoye
Somuru sula kata une vidio moro e jw.org kae to uwuoye
Unyalo nono wach moro ma yudore e wich ma wacho ni “Rowere” kata “Nyithindo” e bwo PUONJ MAG MUMA e jw.org/luo
Unyalo wuoyo e wi weche madongo ma ne undiko e chokruogewa madongo
Ranguru kata utim nonro kuom chuech moro, kae to unon gima opuonjou e wi Jehova
Kinde ka kinde, unyalo gwelo jomamoko e lamou mar joot kae to upenjogi penjo moko
Keturu chenro mag tiyo ne Nyasaye, kae to uwuo e wi kaka unyalo chopogi
Timuru gimoro kanyachiel kaka goro map, chat, kata gero gimoro manie Muma

Tug VIDIO ma wiye wacho ni Dhi Nyime Bero Lamou mar Joot. Kae to ipenj jowinjo kama:

Dichwo nyalo timo ang’o mondo chiege obed mamor gi lamo mar joot kata ka gionge gi nyithindo?

Dwokoni

8. Puonjruok Muma e Kanyakla

(Dak. 30) bt sula mar 13 ¶17-24