Wadwaro Piny Maber!
António Guterres ma en jagoro maduong’ mar Riwruok mar Pinje (U.N.) nowacho kama: “Wadak e piny mopong’ gi chandruok.” Donge in bende iyie gi wechenego?
Weche mag jofwambo gi keyo opong’ gi ripode maricho
Tuoche, moriwo nyaka tuoche ma landore
Masiche ma ok nyal geng’ kaka yiengni piny, apaka ma yueyo gwenge, kod gik ma kamago
Dhier kod kech
Joma ketho alwora kod kor lwasi
Mahundu, timbe gero, kod mibadhi
Lwenje
Kuom adier, wadwaro piny maber. Piny ma ji duto nobed gi
Ngima ma onge tuoche
Arita maber
Chiemo mang’eny
Alwora maler
Timbe makare
Kuwe mokwako piny ngima
Kata kamano, sama wawuoyo kuom piny maber, wawuoyo kuom ang’o?
Ang’o ma biro timore ne piny mwadakie sanini?
Ang’o mwanyalo timo mondo wadag e piny maberno?
Gasedni lero dwoko ma Muma chiwo e wi penjogo, kod penjo mamoko motudore gi wachno.