Be Nying Nyasaye en Yesu?

Dwoko ma Muma chiwo

Yesu nowacho ni en “Wuod Nyasaye” kata Wuowi. (Johana 10:36; 11:4) Yesu ne ok owacho kata dichiel ni en e Nyasaye Manyalo Duto.

E wi mano, Yesu ne lamoga Nyasaye. (Mathayo 26:39) Kendo ka ne opuonjo jopuonjrene kaka onego gilem, Yesu nowachonegi ni gilem kama: “Wuonwa manie polo, nyingi mondo obed maler.”—Mathayo 6:9.

Yesu nohulo nying Nyasaye ka ne owuoyo e wi Ndiko moro kowacho niya: “Winjuru, A Israel, Jehova Nyasachwa en Jehova achiel.”—Mariko 12:29; Rapar mar Chik 6:4.