Be Jomotho Chieng’ Nobed Mangima Kendo?

DWOKO MA MUMA CHIWO

“Chier nobedie.”​—Tich Joote 24:15, Loko mar Piny Manyien.

KAKA WACHNO NYALO KONYI

Ng’eyo wachno nyalo hoyi sama osiepni kata watni moro otho.​—2 Jo-Korintho 1:3, 4.

Onyalo miyo kik iluor tho ahinya.​—Jo-Hibrania 2:15.

Onyalo miyo ibed gi geno madier ni osiepeni gi wedeni mosetho chieng’ moro nobed mangima kendo.​—Johana 5:28, 29.

BE WANYALO BEDO GADIER GI GIK MA MUMA PUONJO?

Ee, nikech weche kaka ma luwogi:

• Nyasaye e Jachuech. Muma wacho ni Jehova e “soko mar ngima.” (Zaburi 36:9; Tich Joote 17:24, 25) Ka Jehova e ma nochiwo ngima, be chiero jomotho nyalo tame adier?

• Nitie joma Nyasaye nochiero e kinde mokalo. Muma wacho ni nitie ji aboro ma nochier mi odak e piny kendo. Moko ne gin joma tindo, jomoti, chwo, kod mon. Moko kuomgi ne otho kuom kinde machuok; achiel to ne oriyo e liel kuom ndalo ang’wen te!​—Johana 11:39-44.

• Nyasaye nigi siso mar chiero ji kendo. Jehova osin gi tho; oneno tho kaka jasigu. (1 Jo-Korintho 15:26) Orito ahinya kinde ma obiro chieroe ji. Kuom adier, obiro tieko tho chuth. Ogombo ahinya neno jotichne ma nosetho ka odak e piny kendo.​—Ayub 14:14, 15.