Weche Michakogo Kare mar 9

Kare mar ochikoni puonjowa e wi nyithindo moko, kod jonabi gi ruodhi ma nonyiso yie makende kuom Jehova. E piny Siria, Nya-Israel moro matin ne nigi yie ni janabi mar Jehova ne nyalo chango Naaman. Janabi Elisha ne ni gadier ni Jehova ne dhi rite mondo jowasike kik hinye. Jehoyada Jadolo Maduong’ nopando Jehoash mondo Athalia kik nege, kata obedo ni nong’eyo maber ni ka Athalia ne nyalo fwenye, en be ne inyalo nege. Ruoth Hezekia ne ni gadier ni Jehova ne dhi rito Jerusalem mondo kik jowasigu monje, kendo ne ok oyie mondo Jo-Asuria omiye luoro. Ruoth Josia notieko lamo mar sanamu, noloso kuonde ma nokethore e hekalu, kendo notayo oganda mondo gichak lamo Jehova kendo.