Wuoyo e Yo Manyiso ni In Gadier

1 Jo-Thesalonika 1:5

GIMA INYALO TIMO: Wuo e yo manyiso ni weche miwacho gin adier, kendo ni gin weche madwarore ni ji ong’e.

KAKA INYALO TIMO MANO:

• Tim ikruok maber. Non matut weche madongo ma idwaro wuoye kod kaka ndiko sirogi. Ler weche madongo mag twagi kitiyo gi weche machuok kendo mayot winjo. Non kaka wechego nyalo konyo jowinjo. Lem mondo Jehova Nyasaye omiyi roho maler.

• Ti gi weche manyiso ni in gadier gi gima iwacho. Kar tiyo achiel kachiel gi weche ma iyudo kama ne itime nonro, inyalo temo lero gigo gi wecheni iwuon. Yier weche manyiso ni in gadier gi gima iwachono.

• Wuo gi chunyi duto. Wuo gi dwol moromo. Ng’i jowinjo ka po ni mano ok nyal chwanyogi.