DWOKO PENJO MAG MUMA
Ere kaka tho Yesu konyowa?
Ka ne Nyasaye ochweyo dhano, nodwaro ni gidag nyaka chieng’ e piny ma onge chandurok moro amora, touche, kata tho. Kata kamano, dhano ma ne okwong chwe miluongo ni Adam, ne ok owinjo chik ma ne jachwech omiye, kendo mano nomiyo olalo geno mar dak nyaka chieng’. Watho nikech wan nyikwa Adam, kendo onyuolwa e richo. (Jo Rumi 5:8, 12; 6:23) Jehova, Nyasaye madier, nooro Yesu Wuode e piny mondo otho kendo oduok ngima ma ne Adam olalo.—Som Johana 3:16.
Yesu notho mondo dhano odag nyaka chieng’. Iparo ni ngima mochwere e piny nochal nade?
Tho Yesu miyo inyalo wenwa richowa kendo miyo wanyalo dak nyaka chieng’. Muma nyisowa kaka ngima nobed e piny e kindeno. Dhano ok nobed moti, tuoche ok nobedie, kendo tho bende ok nobedie.—Som Isaiah 25:8; 33:24; Fweny 21:4, 5.
Ere kaka onego wapar tho Yesu?
Odhiambo mogik ka pok Yesu otho, nonyiso jolupne mondo opar thone kuom timo nyasi moro ma ne onge gik mang’eny. Paro tho Yesu e yo ma kamano higa ka higa miyowa thuolo mar paro kaka Yesu kod Jehova ohero oganda dhano ahinya.—Som Luka 22:19, 20; 1 Johana 4:9, 10.
Higani, Rapar mar tho Yesu biro bedo chieng’ Wuok Tich, April 14, bang’ podho chieng’. Joneno mag Jehova orwaki mondo ichop e nyasino kama gibiro timee e alwora man machiegni kodi.—Som Jo Rumi 1:11, 12.