Ohinga mar Jarito LAIBRARI E INTANET
ohinga mar jarito
LAIBRARI E INTANET
Dholuo
  • MUMA
  • BUGE
  • MIKUTANO
  • w15 9/1 ite mar 5
  • Joneno mag Jehova Oyie Kuom Ang’o?

Hakuna video yoyote kwa sasa.

Samahani, haikuwezekana kupakia video.

  • Joneno mag Jehova Oyie Kuom Ang’o?
  • Ohinga mar Jarito Malando Pinyruoth Jehova—2015
  • Habari Zinazolingana
  • Joneno mag Jehova Oyie Gang’o?
    Joneno mag Jehova Oyie Gang’o?
  • Ang’o Momiyo Walandoga Wach Nyasaye?
    Ohinga mar Jarito Malando Pinyruoth Jehova—2015
  • Joneno mag Jehova Oyie gi Ang’o?
    Penjo ma Ji Penjo e Wi Joneno mag Jehova
  • Pinyruodh Nyasaye En Ang’o?
    Pinyruodh Nyasaye En Ang’o?
Pata Habari Zaidi
Ohinga mar Jarito Malando Pinyruoth Jehova—2015
w15 9/1 ite mar 5
Dichwo moro gi chiege puonjore Muma gi nyithindgi

WACH MADUONG’ MA GASET WUOYOE | JONENO MAG JEHOVA GIN JOMAGE?

Joneno mag Jehova Oyie Kuom Ang’o?

Joneno mag Jehova oyie ni “Ndiko duto okudh gi much Nyasaye kendo gikonyo.” (2 Timotheo 3:16) Muma e ma konyowa ng’eyo Jachwech e yo maber, bende okonyowa mondo wadag e ngima maber.

Muma wacho niya: “Ni mondo ging’e ni in, ma nyingi Jehova, In kendi e ng’a Ma Malo Chutho e piny ngima.” (Zaburi 83:18) Kuom mano, walamo Jehova Nyasaye kende, kendo watimo kinda kaka Joneno mage mondo waland ne ji mang’eny nyingeno.—Isaiah 43:10-12.

Kaka Jokristo, wan gi yie ni Yesu en “Wuod Nyasaye,”a kendo ni nobiro e piny mobedo Mesia. (Johana 1:34, 41; 4:25, 26) Bang’ thone, ne ochiere modok e polo. (1 Jo-Korintho 15:3, 4) Bang’e nokete obedo Ruoth e Pinyruodh Nyasaye. (Fweny 11:15) Pinyruodhno en sirkal madier ma biro duoko Paradiso e piny kae. (Daniel 2:44) Muma wacho niya: “To jo mamuol ginicham piny; kendo ginimor moloyo kuom kwe mang’eny.”—Zaburi 37:11, 29.

“Sama gisomo Muma, gineno ka gima Nyasaye wuoyo kodgi. Samoro amora ma chandruok oyudogi, gitimo nonro e Wach Nyasaye mondo giyud kaka ginyalo loyo chandruogno. . . . Nikech ging’eyo ni Wach Nyasaye ngima.”—Jatelo moro mar Katholik miluongo ni Benjamin Cherayath nowacho wechego e gased Münsterländische Volkszeitung e piny Germany

Joneno mag Jehova oyie ni puonj mag Muma nyalo konyo ji kata mana e kindewagi. (Isaiah 48:17, 18) Emomiyo, waluwo puonjgo. Kuom ranyisi, ok wamadh ndawa kata tiyo gi yedhe ma mero ji nikech Muma chikowa ni wawe timbe duto ma nyalo chido pachwa kod ringrewa. (2 Jo-Korintho 7:1) Bende wakwedo timbe maricho ma Muma kwero achiel kachiel kaka mer, terruok, kod kuwo.—1 Jo-Korintho 6:9-11.

a Muma bende luongo Yesu ni “Wuod Nyasaye ma miderma” nikech en e ma Jehova nokwongo chueye achiel kachiel.—Johana 3:18; Jo-Kolosai 1:13-15.

Jonyuol omor sama wuodgi yawo mich moro

Mondo ing’e gik ma wayiego, kaachiel gi gimomiyo ok watim nyasi mag odiechienge yueyo kata yie mondo omedwa remo, dhi e Websaitwa mar www.jw.org/luo, kae to idi kama wacho ni WECHE E WIWA > PENJO MA JI JOPENJO.

    Buge mag Dholuo (1993-2025)
    Toka
    Ingia
    • Dholuo
    • Shiriki
    • Kaka Daher
    • Copyright © 2025 Watch Tower Bible and Tract Society of Pennsylvania
    • Chikewa
    • Rito Weche
    • Mpangilio wa Faragha
    • JW.ORG
    • Ingia
    Shiriki