DWOKO PENJO MAG MUMA

Be nitie kinde ma piny nobedie ma onge joma odhier?

Miyo moro oting’o bakul ka koni to okwako nyako matin — Nyasaye biro timo ang’o mondo piny obed ma onge dhier?—Mathayo 6:9, 10.

Higa ka higa kech kod tuoche negoga ji mang’eny. Kata obedo ni nitie kuonde moko momewo e piny, kuonde mang’eny to podi dhano odak e dhier. Muma nyiso ni chakre chon joma odhier osegabedo e piny.—Som Johana 12:8.

Sirkal ma nigi teko kod nyalo mar pogo mwandu e yo ma romre ne ji duto e ma nyalo tieko dhier e pinyni. Sirkal ma kamano bende biro dwarore ni otiek lwenje nikech en achiel kuom gik madongo ma keloga dhier. Nyasaye osesingonwa sirkal ma biro timo kamano.—Som Daniel 2:44.

Ng’ano ma nyalo tiekonwa dhier?

Nyasaye oseketo Yesu ma Wuode mondo oloch e wi dhano duto. (Zaburi 2:4-8) Yesu biro waro joma odhier kendo gologi kuom gik ma diyogi kod timbe mag gero.—Som Zaburi 72:8, 12-14.

Mana kaka nokor chon, Yesu ma e “Ruodh Kuwe,” biro kelo kuwe mosiko e piny. Kae to ji duto biro dak e utegi giwegi, gibiro tiyo tije ma morogi, kendo gibiro yudo chiemo mogundho.—Som Isaiah 9:6, 7; 65:21-23.

Mondo iyud weche momedore, ne sula mar 8 e buk miluongo ni Ang’o ma Muma Puonjo Kuom Adier? mogo gi Joneno mag Jehova

Inyalo gole bende e www.jw.org/luo