panitan/stock.adobe.com
KAMPEN MAR GWELO JI E RAPAR
Yesu Biro Tieko Dhier
Ka ne Yesu nie piny ka, nonyiso ni ohero dhano, ahinya ahinya joma odhier kendo ma nigi parruok. (Mathayo 9:36) Noyie nyaka chiwo ngimane ne jomamoko mondo giyud ber. (Mathayo 20:28; Johana 15:13) Machiegnini, obiro nyiso kendo ni ohero dhano kotiyo gi teko ma en-go kaka Ruoth mar Pinyruodh Nyasaye mondo otiek dhier e piny duto.
Muma lero gima Yesu biro timo:
“Mad ong’ad bura makare ne jo ma sandore. Kendo reso nyithind jochan.”—Zaburi 72:4.
Ere kaka wanyalo nyiso ni wagoyo erokamano kuom gima Yesu notimonwa kod gima obiro timonwa? E ndiko mar Luka 22:19, Yesu ne onyiso jolupne ni gisik ka giparo thone. Mano emomiyo higa ka higa, Joneno mag Jehova romoga kanyachiel mondo gipar thone. Wagweli mondo iriwri kodwa e paro tho mar Yesu chieng’ Jumapil, Mach 24, 2024.