En Ng’ano Minyalo Geno?​—Ang’o ma Muma Wacho?

Chuny ji nyosorega sama joma gigeno ok chop singogi. Ji mang’eny oseweyo geno . . .

• jotend siasa ma dwaro mana gik ma konyogi giwegi kar konyo jomamoko.

• gige fwambo gi keyo ma ok land weche madier kendo ma buono jomamoko.

• josayans ma timo gik ma nyiso ni ok gidew ji.

• jotend din modich mana gi weche siasa kar puonjo ji weche Nyasaye.

En adier ni ji onego obed motang’ gi joma gigeno e kindegi. Muma siemowa kama:

• “Kik ugen kuom jotelo mag piny, kata kuom ng’ato ang’ata ma ok nyal warou.”​—Zaburi 146:3, The Bible in Luo, 1976.

Ng’at Minyalo Geno

 Muma konyowa ng’eyo ng’at ma wanyalo geno ma en Yesu Kristo. Yesu ne ok en mana ng’at moro maber ma nodak higni mang’eny mokalo. To Nyasaye noketo Yesu mondo “[oloch] kaka Ruoth . . . kendo Pinyruodhe ok norum.” (Luka 1:32, 33) Yesu e Ruodh Pinyruodh Nyasaye ma en sirkal ma sani locho e polo.​—Mathayo 6:10.

• Mondo ipuonjri gimomiyo inyalo geno Yesu, ne sula ma wiye wacho ni “Ruodh Pinyruodh Nyasaye En Ng’a?” kod “Ang’o ma Pinyruodh Nyasaye Biro Timo?”