Yesu Biro Tieko Lwenje

Ka ne Yesu nie piny ka, nonyiso ni ohero dhano, kendo noyie nyaka chiwo ngimane ne dhano. (Mathayo 20:28; Johana 15:13) Machiegnini, obiro nyiso kendo ni ohero dhano kotiyo gi teko ma en-go kaka Ruoth mar Pinyruodh Nyasaye e “[tieko] lwenje e piny duto.”​—Zaburi 46:9.

Ne ane kaka Muma lero gima Yesu biro timo:

• “Nimar obiro reso jachan ma ywakne, bende, obiro reso ng’at ma sandore ma onge ng’at ma dikonye. Obiro kecho jo ma sandore kaachiel gi jochan, kendo obiro reso ngima jo modhier. Obiro golonegi gik ma diyogi kaachiel gi timbe mahundu, kendo rembgi nobed gi nengo maduong’ e nyime.”​—Zaburi 72:12-14.

Ere kaka wanyalo nyiso ni wagoyo erokamano kuom gima Yesu notimonwa kod gima obiro timonwa? E ndiko mar Luka 22:19, Yesu ne onyiso jolupne ni gisik ka giparo thone. Mano emomiyo higa ka higa, Joneno mag Jehova romoga kanyachiel mondo gipar thone. Wagweli mondo iriwri kodwa e paro tho mar Yesu chieng’ Jumapil, Mach 24, 2024.

Yud Kama Ibiro Timie Rapar