Yesu Biro Tieko Timbe mag Mahundu

Yesu ong’eyo lit ma wawinjo nikech timbe mag mahundu ma timore e piny. Nohangne, nogoye kayiem nono, nong’adne bura ang’aya, kendo nonege malit. Kata obedo ni onge gima rach ma notimo, noyie chiwo “ngimane mondo owar ji mang’eny.” (Mathayo 20:28; Johana 15:13) Sani, Yesu en Ruodh Pinyruodh Nyasaye kendo obiro tieko timbe mag mahundu chuth.​—Isaya 42:3.

Muma lero kaka piny biro chalo bang’ ka Yesu osetimo mano. Owacho kama:

• “Odong’ mana kinde matin, to joricho ok nobedie; inimanygi kuonde ma ne gintie, to ok ibi yudogi. To jo mamuol nobed weg piny, kendo ginibed mamor ahinya nikech ginidag gi kuwe.”​—Zaburi 37:10, 11.

Ere kaka wanyalo nyiso ni wamor gi gik ma Yesu osetimonwa kod mobiro timo? E Luka 22:19, Yesu nonyiso jolupne ni gipar thone. Mano e momiyo higa ka higa, Joneno mag Jehova chokorega kanyachiel mondo gipar tho mar Yesu. Wagweli mondo iriwri kodwa e paro tho mar Yesu chieng’ Jumapil, Mach 24, higa 2024.

Yud Kama Ibiro Timie Rapar