Ang’o ma Muma Wacho?

Har–Magedon en ang’o?

Jomoko wacho ni . . .

Har–Magedon en ketho piny mangima ka itiyo gi gige lweny malich ma nyalo ketho kama lach. In to iparo nade?

Gima Muma wacho

Har–Magedon en “lweny mar odiechieng’ maduong’ mar Nyasaye Manyalo Duto,” ma otiekogo joma richo.​—Fweny 16:14, 16.

Weche mamoko ma Muma puonjowa gin mage?

• Nyasaye biro kedo e lweny mar Har–Magedon mondo oketh joma ketho piny, to ok ni mondo oketh piny ma wadakieni.​—Fweny 11:18.

• Lweny mar Har–Magedon biro tieko lwenje duto.​—Zaburi 46:8, 9.

Be ng’ato nyalo tony e lweny mar Har–Magedon?

Inyalo wacho ni?

• Ee

• Ooyo

• Samoro

Gima Muma wacho

‘Oganda mang’ongo’ mowuok e ogendini duto biro tony e “masira maduong’” ma biro rumo ka iketho joma richo e lweny mar Har–Magedon.​—Fweny 7:9, 14.

Weche mamoko ma Muma puonjowa gin mage?

• Nyasaye dwaro ni ji mang’eny kaka nyalore otony e lweny mar Har–Magedon. Obiro ketho joma richo mana nikech gitamore lokore.​—Ezekiel 18:32.

• Muma nyisowa gima nyaka watim mondo watony e lweny mar Har–Magedon.​—Zefania 2:3.