Be Inyalo Donjo e “Dhoot Malach mar Tich”?
1. “Dho ot malach mar tich” ma oseyaworenwa en mane?
1 Kane “dho ot malach mar tich” oyawore ne jaote Paulo, nokawo thuolono gi iilo mondo omi odhi nyime gi lando wach Pinyruoth kata obedo ni ne nitie jo akwede mang’eny. (1 Kor. 16:9) Sani, nitie jolendo mag Pinyruoth madirom 642,000 e piny mangima ma osedonjo e dhoot malach mar tich, ka gibedo jopainia mapile.
2. Ang’o momiyo en gima ber nono chal marwa kinde ka kinde?
2 Lokruok Nyalo Bedoe: Kata obedo ni gie sani chal mar ngimani nyalo moni timo mang’eny, lokruok nyalo bedoe. Kuom mano, en gima ber nono chal marwa wawegi kinde ka kinde ma ok warit ni nitie kinde moro ma weche nobed maber. (Ekle. 11:4) Be in rawera machiegni tieko skul? Be in janyuol ma nyithinde chiegni chako dhi e skul? Be in jal machiegni ritaya? Lokruok ma kamago nyalo miyi thuolo momedore mondo omi idonj e tij painia mapile. Nyaminwa moro ma kinde mokalo ne nigi midekre, ne ong’ado ni mondo obed painia ka en jahigini 89. Notimo kamano nang’o? Nikech higa achiel ne osekalo ka podi ok obedo matuwo manyalo miyo odhi e osiptal, ne oneno ni kit ngima dende ne dhi miyo obed painia.
3. Jomoko osetimo lokruok nade mondo omi gibed jo painia makonyo?
3 Kuom wach Paulo, ne onwang’o odwaro dhi limo owetene man Korintho. Kata kamano, ne oloko chenro mage nikech lando wach maber. Thoth jogo ma gin painia mapile sani, ne otimo lokruok moko mondo eka gibed painia. Moko kuomgi oseketo ngimagi obedo mayot ka gimanyo tije mitiyo nus-odiechieng’ mondo tijego okonygi mana rito ngimagi ma giseketo obedo mayot. Giseyudo mor kuom migawogi makendeno. (1 Timo. 6:6-8) Moko kuom jogo mokendore osetimo lokruok ma miyo dichwo kende ema tiyo, to chiege bedo gi thuolo mar timo painia.
4. Ang’o ma wanyalo timo kapo ni wan gi kiawa mar chopo seche madwarore?
4 Kik irikni wacho ni bedo painia ok nyalreni mana nikech iluor ni ok inyal chopo seche madwarore. Seche madwarore gin mana seche manyalo kalo ariyo matin. Ka in gi kiawa ni ok inyal, tem bedo painia makonyo kuom dwe achiel kata ariyo ka iketo chuny mar chopo seche 70. Timo kamano biro miyo ine ber mag bedo painia. (Zab. 34:8) Wuo kod jogo ma sani gin jo painia. Nyalo bedo ni giseloyo chandruok moko machalo gi magi. (Nge. 15:22) Kwa Jehova mondo ogwedh kinda mitimo mar dwaro medo okang’ milendogo.—1 Joha. 5:14.
5. Ang’o momiyo tiyo tij painia mapile en tich maber?
5 En Tich Maber: Bedo painia mapile en tich makelo gweth mang’eny. En tich mamiyi thuolo mar yudo mor mabedoe kuom bedo jachiwo. (Tich 20:35) Bedo painia biro miyo imed bedo molony kuom puonjo Wach Nyasaye mar adiera e yo makare. (2 Timo. 2:15) En gima biro miyi thuolo momedore mar neno lwet Jehova ka tiyo kodi. (Tich 11:21; Fili. 4:11-13) Timo tij painia bende biro konyi bedo gi kido madwarore kuom Jakristo, kaka bedo ja kinda, kendo mano biro miyo isud machiegni gi Jehova. (Jak. 4:8) Be inyalo donjo e dhoot malachni mar tich, ma ibed painia mapile?