Sandug Penjo

◼ Buge ariyo mage ma onego puonjruok gi jopuonjre mag Muma?

Muma Puonjo e buk ma watiyogo moloyo e chako kendo timo puonjruok gi ji Muma. Kata obedo ni onge rach mar chako puonjruok mar Muma kitiyo gi buk machielo, kaka trakt mowinjore, mapiyo kaka nyalore, onego otim matek dhi e buk mar Muma Puonjo. Weche mabeyo ahinya oseyudore kuom tiyo gi bug Muma Puonjo e chako puonjruok gi ji.

Ka Muma Puonjo osetiek, kendo japuonjre mar Muma timo dongruok, bug Lam Nyasaye ema koro onego opuonjre. (Kolo. 2:7) Ite mar 2 lero gima omiyo ipuonjruok gi ji bugno: “Muma jiwo jogo duto mohero Nyasaye mondo ‘ong’e . . . dhi malo kod tut’ mag adiera mabeyo mag Nyasaye. (Efes. 3:18) Olos bugni mondo okonywa timo kamano. Wageno ni bugni biro konyi mondo imed dongo e wach Nyasaye kendo bedo moikore wuotho e yo madiny madhi e ngima.”

Ka japuonjre owinjore batisi ka pok otieko bugego, puonjruok onego dhi nyime nyaka buk mar ariyo rum. Kata obedo ni japuonjre osebatisi, jal ma puonjore kode onego dhi nyime ka okwano seche, ndalo ma odok puonjre kode, kod puonjruok mar Mumano. Jalendo machielo ma gidhigo kendo oriwe lwedo nyalo kwano seche ma gikawo kode.