Gima Wanyalo Wacho Kuom Gasedewa
Ohinga mar Jarito Mei 1
Som Mathayo 24:3. Kae to wach kama: “Jomoko paro ni penjoni ne openj kuom giko mar piny mwadakieni. Be iparo ni pinyni ibiro kethi? [Rit dwoko.] Dwoko ma Yesu nochiwo miyo wabedo gadier ni pinyni ok bi kethi, to ibiro mana ketho gimachielo. Sula mayudore e ite mar 16 wuoyo malach kuom wachni.”
Amkeni! Mei
“Jolendo mag dinde moko puonjo ni ka watiyo ne Nyasaye, to obiro miyowa mwandu. Nyalo bedo ni ing’eyo jomoko mabeyo to onge mwandu. Be iparo ni Nyasaye dwaro ni wabed joma omewo? [Rit dwoko. Kae to isom Jo Hibrania 13:5.] Gasedni lero kaka Nyasaye nyalo gwedhowa.” Nyis sula machakore e ite mar 12.
Ohinga mar Jarito mar Jun 1
“Buge ma wuoyo kuom pidho nyithindo, hera, kod kaka ng’ato nyalo chopo dwarone, ng’eny ahinya e ndalogi. Be in iwuon iseyudo ni gikonyo? [Rit dwoko.] Thoth ji ok dew kama puonj minyalo gen yudore. [Som 2 Timotheo 3:16.] Gasedni lero gimomiyo wanyalo geno kuom Muma kendo oting’o weche manyiso kaka puonj mag Muma konyo.”
Amkeni! Jun
“Mana kaka ing’eyo, ji osebedo ka yware ahinya kuom wach golo ich, jomoko neno ni timo kamano ni kare to moko neno ni rach. Be iparo ni Muma nyalo konyo ng’ato mondo oyier gima onyalo timo e wi wachni? [Rit dwoko. Kae to isom 2 Timotheo 3:16, 17.] Gasedni nyiso gima Muma wacho kuom wachni.”