Ohinga mar Jarito LAIBRARI E INTANET
ohinga mar jarito
LAIBRARI E INTANET
Dholuo
  • MUMA
  • BUGE
  • MIKUTANO
  • km 11/09 ite mar 2
  • “Ler mar Chunyu Mondo Orieny Pile”

Hakuna video yoyote kwa sasa.

Samahani, haikuwezekana kupakia video.

  • “Ler mar Chunyu Mondo Orieny Pile”
  • Tijwa mar Pinyruoth—2009
  • Habari Zinazolingana
  • Onego Wasik ka Wan gi Kinda e Tij Lendo
    Tijwa mar Pinyruoth—2007
  • Be Ibiro Bedo Jakinda Kaka Jehova gi Yesu e Kinde mag Rapar?
    Tijwa mar Pinyruoth—2015
  • Be in Jakinda ‘Ne Tije Mabeyo’?
    Ohinga mar Jarito Malando Pinyruodh Jehova-2013
  • Be Imedo Luwo Kristo Moloyo?
    Ohinga mar Jarito ma Lando Wach Pinyruoth (Mar Puonjruok)—2010
Pata Habari Zaidi
Tijwa mar Pinyruoth—2009
km 11/09 ite mar 2

“Ler mar Chunyu Mondo Orieny Pile”

1. En kido mane monego wabedgo e tijwa mar lendo?

1 Onge tich moro amora ma onego ochung’ e tijewa mag Jokristo. Kar mano, ijiwowa kama: “Ler mar chunyu mondo orieny pile,” kendo “tiuru ni Ruoth.” (Rumi 12:11) Kata kamano, nitie gik mang’eny manyalo duoko chien kinda ma wan-go e tij lendo. Ere kaka wanyalo ‘chiero’ kinda kod ilo ma wan-go ne tijwa mar Pinyruoth?—2 Tim. 1:6, 7.

2. Ere kaka puonjruok Muma mar ng’ato owuon otudore gi kinda e tij lendo?

2 Puonjruok Muma Ng’ato Owuon: Jal molony e lando Pinyruoth en mano mohero chike mag Nyasaye kendo adiera manie chikego mulo chunye e yo matut. (Zab. 119:97) Seche ma wayudo adiera manie Muma ka watimo puonjruok marwa wawegi, mano jiwo chunywa kendo wamedo bedo gi kinda. Herawa kuom Jachiw adierago kod gombo ma wan-go e lando wach maber ne jomoko jiwowa e pako Nyasaye kendo lando nyinge e lela. (Hib. 13:15) Lando wach maber gi kinda nyiso ayanga erokamano matut ma wan-go kuom ber mar wachno.

3. Ere kaka roho mar Nyasaye nyalo konyowa e tijwa mar lendo?

3 Kwa Nyasaye Roho Mare: Ok walend e yo molony kuom tekowa wawegi. Kinda madier bedoe nikech roho mar Nyasaye tiyo ma onge gima geng’e. (1 Pet. 4:11) Sudo machiegni gi Jal machiwo ‘teko’ biro jiwowa e lando wach Nyasaye ka wan gi chir. (Isa. 40:26, 29-31) E kinde ma jaote Paulo ne romo gi chandruok e tije mar lendo, ne ‘onwang’o konyruok ma a ka Nyasaye.’ (Tich 26:21, 22) Roho mar Jehova machiwo teko nyalo konyowa rieny e tijwa mar lendo, omiyo onego walem mondo wayud rohono.—Luka 11:9-13.

4. Gin ber mage ma kinda nyalo kelo, to nyaka wane ni watimo ang’o?

4 Timo kinda ma onge samwoyo e tij lando Pinyruoth kinde mang’eny jiwo Jokristo wetewa. (2 Kor. 9:2) E alwora mar lendo, ji nyalo rwako wach ka ng’ato wuoyo gi ilo kendo e yo manyiso ni en gadier chuth kuom gima owacho. Kata kamano, kinde duto kinda nyaka riw gi muolo kod wuoyo e yo maok wachwany ji. (Tito 3:2) Kinde duto, wadwaro miyo weg udi luor kendo ng’eyo ni gin gi ratiro mar timo yiero.

5. En wach mane majiwowa monego watim matek mondo watigo?

5 Kaka joland Pinyruoth, mad kinde duto ‘ler mar chunywa orieny pile.’ Watim uru kinda kuom puonjruok Muma wawegi kendo lamo Jehova gi kinda, ma e jal manyalo miyowa roho maler. E yo machalo kamano, wanyalo tiyo tijwa mar lendo ka wan gi “roho maler kendo gadier chuth.”—1 Thes. 1:5, NW.

    Buge mag Dholuo (1993-2025)
    Toka
    Ingia
    • Dholuo
    • Shiriki
    • Kaka Daher
    • Copyright © 2025 Watch Tower Bible and Tract Society of Pennsylvania
    • Chikewa
    • Rito Weche
    • Mpangilio wa Faragha
    • JW.ORG
    • Ingia
    Shiriki