Kar Kanogi, Tiuru Kodgi

Kanyakla mang’eny okano bugewa moko machon mathoth ahinya. Donge inyalo kawo moko kuom bugego mondo iket e laibrari mari iwuon? Samoro inyalo yudo moko kuom bugewa machon e kompyuta ka in gi Watchtower Library. Kata kamano, ber bedo gi bugego moloyo mana bedo kodgi e kompyuta. Be ipuonjri Muma gi japuonjre matimo dongruok? Jiwe mondo oyud buge machon-gi mondo ochak bedo gi laibrari motimoe puonjruok ma mare. Jarit Skul mar Tij Nyasaye onego one ni laibrari mar Od Romo nigi buge machon ma kanyakla nyalo bedogo. Buge machon-gi podi konyo ahinya. Ber ahinya mondo wati kodgi moloyo weyogi e kar kano buge mag kanyakla!