Weche Mwanyalo Chako Wuoyogo gi Ji

Chako Puonjruok mar Muma gi Ji Ngeso Mokwongo e Dwe mar Novemba

“Be iparo ni joma temo luwo chike Nyasaye mor? [Rit dwoko.] Sulani nyiso weche moko mabeyo ahinya.” Mi wuon ot Mnara wa Mlinzi ma Novemba 1 kae to usom kendo uwuo e wi wach mayudore e achiel kuom wiye matindo e ite mag 16-17. Som achiel kuom ndiko moket kanyo. Chiw gasede kendo itim chenro mar dok wuoyo e wi dwoko mar penjo maluwo. Kapo ni kanyaklau pok oyudo gocho ma Novemba 1, tiuru gi gaset manyien mantie ka utiyo gi weche manyiso kaka onego ochiwe mayudore e Tijwa mar Pinyruoth mowinjore.

Ohinga mar Jarito Novemba 1

“Jomoko neno ni paro ma Muma chiwo e wi wach nindruok gin paro machon kendo morid ahinya. Jomoko to oyie gi gima Muma wacho. In iparo nade? [Rit dwoko.] Ne ane kama puonj mag Muma wuokie. [Som 2 Timotheo 3:16.] Gasedni nyiso dwoko ma Muma chiwo e wi penjo apar ma ji thoro bedogo kuom wach nindruok. Bende olero kaka puonj mag Muma konyowa.”

Amkeni! Novemba

“Ka wanono lwasi e yo matut, be paro ma wadong’go miyo wang’ado ni Jachwech nitie koso ni gik moko duto nosieko mana kendgi? [Rit dwoko.] Ma e paro ma achiel kuom jondik Muma nong’ado bang’ nono lwasi. [Som Jo Rumi 1:20.] Gasedni lero gima josayans osefwenyo kuom ng’injo manie dend dhano makonyowa ng’eyo ni Jachwech nitie.”