Weche Mwanyalo Chako Wuoyogo gi Ji

Chako Puonjruok mar Muma gi Ji Ngeso Mokwongo e Dwe mar Novemba

“Ne ane penjoni. [Som Penjo mokwongo e tok Ohinga mar Jarito ma Novemba 1.] Inyalo dwoko penjoni nade? [Som paragraf ariyo manie bwo penjono, kod moko kuom ndiko moket kanyo.] Donge anyalo duogo mondo wanon gimomiyo Yesu ne ochiero ji kod kaka ng’eyo wachno nyalo jiwowa?”

Ohinga mar Jarito Novemba 1

“Be isegapenjorie gimomiyo masiche tinde ng’eny e piny? [Rit dwoko.] Muma nyisowa gimomiyo e Fweny 12:9. [Som.] Kata kamano, kwan matindo 12 nyisowa ni loch marach mar Satan chiegni rumo. [Som Fweny 12:12.] Sulani ma wacho ni ‘Be onego waluor Satan?’ nyisowa gik ma wanyalo timo gie sani mondo kik wabed e bwo teko Satan kendo onyisowa kaka ibiro tiek Satan machiegnini. Daher weyoni mae.”

Amkeni! Novemba

“Ji duto dwaro ni gibed mamor, kata kamano, ji mang’eny e kindewagi ok mor. Iparo ni ang’o ma nyalo kelo mor madier? [Rit dwoko.] Ji mang’eny oseyudo ni puonj mag Muma konyogi bedo gi ngima mamor. Kuom ranyisi, ne ane puonjni mayudore e Muma. [Som Jo Hibrania 13:5.] Gasedni lero puonj ang’wen mayudore e Muma ma kelo mor madier.”