Weche Mwanyalo Chako Wuoyogo gi Ji

Chako Puonjruok mar Muma gi Ji Ngeso Mokwongo e Dwe mar Agost

“Kindegi, kiwuoyo kuom Yesu, ji mang’eny nene kaka ne en higini gana ariyo mokalo kaka nyathi matin monyuol e kul, kata kaka ng’at ma tho e yadh-sand. Kata kamano, in to iparo ni Yesu timo ang’o sani? [Rit dwoko.] Ne ane gima gasedni wacho.” Mi wuon ot Mnara wa Mlinzi ma Agost 1 kendo unon kanyachiel wach mayudore e bwo wich matin mokwongo e ite mar 16 kod moko kuom ndiko mayudore e bwo wijno. Chiw gasede kendo itim chenro mar dok wuoyo e wi penjo maluwo.

Ohinga mar Jarito Agost 1

“Ji mang’eny oyie kuom honni. Moko to nigi kiawa kuomgi. Be iparo ni honni timore kuom adier? [Rit dwoko.] Hono maberni mabiro timore e kinde mabiro osemiyo ji mang’eny geno madier. [Som achiel kuom ndiko monyis e ite mag 9-10.] Gasedni chiwo dwoko mag penjo adek ma ji thoro bedogo kuom wach honni.”

Amkeni! Agost

“Ndalogi, ji mang’eny oluor wuotho kendgi, to moloyo e seche mag otieno. Be iparo ni nitie gima wanyalo timo mondo waduok timbe mag gero monya e pinyni chien? [Rit dwoko.] Gasedni nyiso moko kuom gik mwanyalo timo mondo wadag ka wan gi kuwe gi jowadwa. Bende onyiso kaka wach maber mokor e ndikoni biro chopo.” Som Zaburi 72:7.