Vidio mar Young People Ask —What Will I Do With My Life? (Kare 1)

Kaka rowere medo dongo, nitie yiero madongo ma nyaka gitim. Mondo rowere otim yiero maber, olos vidio mar Young People Ask—What Will I Do With My Life? mondo okonygi. E menu maduong’, yier kama ondik ni Play Drama, kae to bang’ nene item ane dwoko penjo manie paragraf mar 2. Bang’e, yier kama wacho ni Interviews e menu maduong’, kae to iyier kare mawacho ni Looking Back, kendo bang’ nene item dwoko penjo manie paragraf mar 3.

Drama: (1) Ere kaka weche ma Timotheo noromogo chalo gi ma rowere mang’eny ma Jokristo romogo e kindegi? (2) Ere kaka ne ithung’o Andre mondo otim dongruok e ng’wech? (3) Ang’o ma Owadwa Fleissig nowacho ne Andre e wi (a) chiwruok ne Jehova kod keto chunye duto e tuke? (Math. 6:24) (b) gima nyalo kelo mor madier? (c) gima bakul ma ne oago e kambi mar sand ne parone? (d) joma nie picha ma notang’one? (e) kabe noywago ang’e kuom weyo gik ma nodwaro luwo e ngimane? (Fili. 3:8) (4) Dwoko mane ma da Andre nochiwo kane Andre openje ni, “Be rach ka abedo jang’wech mong’ere?” (Luka 4:5-7) (5) Be Andre noyudo mor madier nikech locho e ng’wech? (6) Ang’o mipuonjori e barua mogik ma Owadwa Fleissig nondiko ne Andre? (Nge. 10:22) (7) Owadwa Fleissig nokonyo Andre fwenyo ang’o?

Kare mar Looking Back: (8) Tije mage ma owadwa gi nyaminwano chon noketo e chunygi, to nikech ang’o? (9) Ne gisetimo dongruok e tijegi e okang’ mane? (10) Ang’o ma nomiyo ng’ato ka ng’ato kuomgi oloko pache? (2 Kor. 5:15) (11) Ne gichiwore timo ang’o bang’ weyo tijegi machon, to ang’o momiyo ne gineno ni ok ginyal luwo yore ariyogo duto? (12) Be ne giywago ang’e nikech yiero ma ne gitimo? (13) Ang’o ma owadwa gi nyaminwano nowacho ma okonyi paro matut kuom kaka onego iti gi ngimani?

Ne kuonde mamoko e bwo kama wacho ni “Interviews” kod kare mar “Supplementary Material” mondo iikri chiwo paro sama wabiro nono wechego e Chokruok mar Tijwa e juma maluwo.