Ibiro Tiyo gi Ngimani e Yo Mane?

¹ Ji seche moko penjo nyithindo, “Ang’o ma idwaro timo ka ibedo ng’at maduong’?” Kane podi in wuowi matin, be nyalo bedo ni ne igombo bedo wuon jamni mang’eny? dreva? jarit-alwora? Kata kane podi in nyako matin be nyalo bedo ni ne iwacho ni idwaro bedo jamiel? nas? kata misonari? Sani ma koro hiki omedore, nyaka ipenjri penjo machieloni, ‘Abiro tiyo gi ngimana e yo mane?’ Be iikori mar yiero gima onego itim?

² Mondo okonyi timo yiero maber ahinya, riwruok mar oganda Jehova oseiko vidio manie DVD, Young People Ask—What Will I Do With My Life? Ne vidiono kendo ipar matut kuom gigo moting’o, moriwo nyaka drama, jogo machiwo pachgi e vidiono, koda weche mamoko mayudoree. Weche mayudore e vidiono ochan e sanduk ma wacho ni “Main Menu.”

³ Drama: Seche ma ineno dramano par penjogi: (1) Nitie chal mane e kind Timotheo ma iwuoyo kuome e Ndiko mag Dho-Grik mag Jokristo kod Andre ma iwuoyo kuome e vidiono? (Tich 16:1; 1 Timo. 4:8; 2 Timo. 1:5) (2) Ere kaka ne ijiwo Andre mondo obed jang’wech maber ahinya, to en ng’ano ma ne jiwe? (3) Gin jomage ma ne chiko ngima Timotheo kod Andre e yo maber, kendo ne gitimo kamano e yore mage? (2 Timo. 1:1-4; 3:14, 15) (4) Ere kaka weche mayudore e Mathayo 6:24 kod Jo Filipi 3:8 ne okonyo Andre, kendo ere kaka gikonyi?

⁴ Kuonde Moko e Dramano: Bang’ neno dramano mangima, dog chien kendo ing’i kuonde ma owachgi mondo idwok penjo maluwogi. “Paul and Timothy”: En wach mane mogik ma Paulo ne ojiwogo Timotheo? (2 Timo. 4:5) “Giving Jehovah Your Best”: Gin chenro mage ma in-go kuom wach tiyo ne Nyasaye? “Taking a Stand for Jehovah”: Mor madier yudore nade? “Grandmother’s Advice”: Ang’o marach gi dwaro bedo ng’at ma nigi huma e piny manie bwo teko mar Satan? (Math. 4:9) “No Regrets”: Gin gik mage ma ka ifwenyo to inyalo bedo gi ngima ma onge parruok?—Nge. 10:22.

⁵ Jogo Machiwo Pachgi e Vidiono: E sama ineno kuonde mopogore opogore maluwogi ei vidiono, ang’o ma ineno ni inyalo timo mondo imi Jehova chiwo mari maber chuth? (1) “En Chiwruok ne Gik Manono Koso ne Nyasaye?” (1 Joha. 2:17); (2) “Puonjruok Kaka Inyalo Yudo Mor e Tiyo ne Nyasaye” (Zab. 27:14); kod (3) “Thuolo mag Tiyo ne Nyasaye.”—Math. 6:33.

⁶ Paro Kinde Mokalo: Be inyalo chiwo dwoko? (1) Ang’o ma ne owadwa gi nyaminwano oluwo, to nikech ang’o? (2) Ne gisetimo dongruok e tijegi e okang’ mane? (3) Ang’o ma ne omiyo ng’ato ka ng’ato kuomgi oloko pache? (2 Kor. 5:15) (4) Gin tije mage mag chiwruok ne Nyasaye ma ne okawo kar tijegi machon mag ringruok, kendo ang’o momiyo ne gineno ni ok ginyal luwo yore ariyogo? (5) Be giywago ang’e moro amora nikech loko pachgi mondo giti ne Nyasaye? (6) En ang’o ma ne giwacho ma osemiyo iparo kuom kaka onego iti gi ngimani?

⁷ Jomamoko ma Bende Chiwo Pachgi: En ang’o misepuonjori kanyo, ma inyalo timo mondo ichiwri e tiyo ne Jehova e yo momedore? (1) “Ber Mayudore Kuom Bedo gi Puonjruok ma Mari Iwuon,” (2) “Lendo e Seche ma ne Ok Ichano,” (3) “Tij Bethel,” (4) “Tiegruok e Skund Gilead mar Misonari,” kod (5) “Skul mar Tiego Owete e Tije Kanyakla.” Non kama wacho ni “Index to Published Information on Related Subjects,” mondo isom weche momedore kuom gik ma idwaro timo ahinya.

⁸ Kuom mano, be iseyiero gima idwaro timo gi ngimani? Paulo ne ojiwo Timotheo kama: “Par wechegi, ket chunyi kuomgi chuth, mondo ji one dongo mari e yore duto.” (1 Timo. 4:15) Wajiwi mondo in bende itim kamano gi gima iseneno kendo winjo e Vidioni. Kwa Jehova mondo okonyi timo yiero maber mabiro miyi mor madier kod kuwe e ngima masani koda mar kinde mabiro.

[Sanduk manie ite mar 6]

MAIN MENU

Play Drama

Scenes (11 selections)

Interviews

Play All

Sections (3 selections)

Looking Back

Supplementary Material

Supplementary Interviews

Index to Published Information on Related Subjects

Subtitles

Hearing Impaired

None

Mondo iwuog e picha achiel ka idhi e machielo ti gi Next ▶, ◀ Back, kod Main Menu.