Weche Mwanyalo Chako Wuoyogo gi Ji

Chako Puonjruok mar Muma gi Ji Ngeso Mokwongo e Dwe mar Mei

“Waduto waboth. Iparo nade, be Nyasaye nyalo ng’wononwa ka watimo richo moro maduong’?” [Rit dwoko.] Mi wuon ot Ohinga mar Jarito ma Mei 1, kae to inyise sula mayudore e ite mar 15 mar gasedno, kendo unon kode wach mayudore e bwo penjo mokwongo kaachiel gi moko kuom ndiko moket kanyo. Chiw gasedego kendo itim chenro mar dok nono penjo maluwo.

Ohinga mar Jarito 1

“Dwaher winjo paro ma in-go e wi gima ndikoni wacho. [Som 1 Johana 4:8.] Ji mang’eny oyie ni kido maduong’ ma Nyasaye nigo en hera. Kata kamano, jomoko to paro ni Nyasaye ema miyo masira yudo ji kata ni omor gi masirago. In to iparo nade kuom wachno? [Rit dwoko.] Gasedni lero gimomiyo ok onego wapar ni Nyasaye kwiny.”

Amkeni! Mei

“Walimo jirendewa mondo wawuo kodgi kuom chandruok moro ma miyo ji luoro, ma en timbe mahundu. Jomoko paro ni ka omed polise mang’eny, to timbe mahundu nyalo dok chien. In to iparo nade kuom wachno? [Rit dwoko.] Be ing’eyo ni Muma singonwa ni Nyasaye biro tieko timbe mahundu? [Som Zaburi 37:10, 11.] Gasedni leronwa wachno maber kendo owacho moko kuom gik ma wanyalo timo mondo wageng’ hinyruok mwanyalo yudo nikech timbe mahundu.”