Med Kinda e Chako Puonjruok mar Muma gi Ji Ngeso Mokwongo e Dwe

Chakre Mei 2011, ne ojiw jolendo mondo otem chako puonjruok Muma gi ji Ngeso mokwongo e dwe. Oseiknwa sula mawacho ni “Dwoko Penjo mag Muma” mayudore e tok gocho mar ji duto mar Ohinga mar Jarito mondo okonywa timo kamano. Omiyo, e romo mar dhi lendo mitimo Ngeso mokwongo e dwe, onego onyis kaka inyalo ti gi sulano e chako puonjruok mar Muma gi ji kendo timo ranyisi manyiso kaka inyalo tim kamano.

Jodongo nyalo yiero mondo grup ka grup mar lendo otim romo margi giwegi e Ngeso mokwongono, kata ginyalo yiero mondo grubego orom kanyachiel, kanyalore to e Od Romo. To ka dipo ni kanyakla mang’eny tiyo gi Od Romo achiel, onge kanyakla monego ochor nyime odiechieng’ makendeni mar chako puonjruok Muma gi ji mana ni mondo oriw grube mag lendo kamoro achiel.