Kaka Wanyalo Medo Lony e Tij Lendo —Nyiso Ji Chenrowa mar Puonjruok Muma ka Watiyo gi Bug Muma Puonjo

Gimomiyo Mano Dwarore: Sama wanyiso ji ni wapuonjoga ji Muma ma onge chudo, samoro ginyalo wuoro ni watimo kamano e yo mane. Samoro ginyalo paro ni onego gibed e klas moro, kata dwoko penjo moko momigi kae to gioro mondo ononnegi. Omiyo, kar lero alera ne ji ni wanyalo puonjore kodgi Muma, donge diber moloyo ka wanyisogi kaka itimo puonjruogno? Ka watiyo gi dakika machuok, kata mana e dhoot, wanyalo konyo ji one kaka puonjruok Muma en gima yot kendo ma nyalo yawo wang’gi.

Kaka Wanyalo Timo Mano:

Bang’ moso wuon ot, penje kabe doher ng’eyo kaka ngima biro chalo e kinde mabiro.
Nyise ni thothne gik machando chuny ji dwa mana chalore achala, kae to nyise list moting’o weche mantie e bug Muma Puonjo. Lerne ni bugno oting’o weche ma oler e yo ma winjore mayot kendo ma puonjowa gima Muma wacho e wi kinde mabiro kod weche mamoko, kae to penje sula ma doher chakogo.
Miye buk, kae to tere e sula ma oyierono. Nyise ni penjo manie bwo wijno dwokogi yudore e sulano duto.
Ka wuon ot oyie, kwaye mondo osom paragraf mokwongo. Kae to penj penjo mar paragrafno, kendo uwuo e wi dwoko kanyachiel. Somuru ndiko ma siro dwoko manie paragrafno. Nyise bugi mondo one kaka ikiewo dwoko.
Nonuru paragraf maluwo, mak mana ni koro to kwaye mondo odwok penjo kotiyo gi wechene owuon maok osomo weche manie buk achiel kachiel.
Pwoye kendo tim chenro mar dok nono paragraf moko maluwo.
Ka owinjore, nyise vidio mayudore e jw.org/sw ma wiye wacho ni, Ni Nini Hutendeka Kwenye Funzo la Biblia?

Tem Timo Mae e Dweni:

Kwa Jehova mondo oguedh kindani mar chako puonjruok mar Muma gi ji.—Fili. 2:13.
Sama in e tij lendo, tem nyiso ji chenrowa mar puonjruok Muma kitiyo gi bug Muma Puonjo, kata inyalo temo nyiso vidio mar Ni Nini Hutendeka Kwenye Funzo la Biblia? kata mana dichiel.