Kaka Wanyalo Medo Lony e Tij Lendo—Chako Puonjruok mar Muma e Dhoot Kitiyo gi Brosua mar Wach Maber Mowuok Kuom Nyasaye!
Gimomiyo Mano Dwarore: Mondo walok ji obed jopuonjre, nyaka wabed joma ong’eyo puonjo Wach Nyasaye. (Mat. 28:19, 20) Waduto wanyalo puonjo adiera e yo molony kwatiyo gi buge ma oseiknwa. Oselosnwa brosua mar Wach Maber Mowuok Kuom Nyasaye! mondo okonywa puonjo ji adiera. Wanyalo tiyo kode e chako puonjruok Muma gi wuon ot e dhoode e limbe mokwongo.
Tem Timo Mae e Dweni:
Kwa Jehova mondo omiyi siso mar tayo puonjruok mar Muma. Bende, kwaye mondo okonyi ichak puonjruok mar Muma gi ng’ato, kendo mondo okonyi ibed japuonj molony.—Fil. 2:13.
Sama utimo lamo mar joot, kata puonjruok mar ng’ato owuon, unyalo tiyo gi thuolo moro mondo unwo weche mubiro chakogo wuoyo gi wuon ot. Timo mano nyalo konyou wuoyo ka un gi chir kendo chako puonjruok mar Muma gi ji e dhoutgi.