Kaka Inyalo Chiwo Paro Mabeyo e Chokruok

Paro mabeyo jiwo kanyakla. (Rumi 14:19) Parogo bende jiwo joma chiwogi. (Nge 15:23, 28) Omiyo, onego watem ahinya mondo wachiw paro e chokruoge kata mana dichiel. En adier ok bi siemwa kinde duto ma wating’o badwa. Omiyo, ber ka waiko paro mathoth.

Dwoko maber en dwoko ma . . .

• yot, ma winjore maler, kendo machiek. Kinde mang’eny, dwokono inyalo chiw kuom sekond 30 kata matin ne mano

• ichiwo kitiyo gi wecheni iwuon

• ok nwo paro ma ng’ato nosechiwo

Kapo ni in e ma okwong siemi . . .

• chiw dwoko ma achiel ka achiel kaluwore gi penjo

Kapo ni osechiw dwoko mar penjo, inyalo . . .

• nyiso kaka ndiko siro wach miwuoye

• wacho kaka wachno mulo ngimawa

• lero kaka wanyalo tiyo gi wachno

• wacho machuok wach mosene motudore gi wach miwuoyeno