Tieggi Mondo Giti ne Jehova Maok Giwe

Osenenore maler ni jolendo motieg maber mondo olend gi kinda maok gibare bedoga jolendo motegno ahinya. (Nge 22:6; Fil 3:16) Inyalo tiyo gi paro ma luwogi mondo ikony japuonjre obed jalendo motegno:

• Ka japuonjreni osebedo jalendo, chak tiege mapiyo. (km 8/15 1) Konye mondo one gimomiyo dwarore ni odhi e tij lendo ma ok obare juma ka juma. (Fil 1:10) Wuo maber e wi joma ni e alwora mulendee. (Fil 4:8) Jiwe mondo olend gi jarit-grup kod jolendo mamoko mondo obed molony.—Nge 1:5; km 10/12 6 ¶3

  

• Kata ka osetis japuonjreni, dhi nyime jiwe kendo tiege e tij lendo, to ahinya ahinya ka pok otieko puonjore bug “Hera mar Nyasaye.”—km 12/13 7

  

• Sama in e tij lendo gi jalendo manyien, lend e yo mayot. Pwoye ahinya bang’ winjo kaka olendo. Nyise kaka onyalo lendo e yo maber moloyo.—km 5/10 7