Kaka Wanyalo Medo Lony e Tij Lendo—Tiego Jolendo Manyien
Gimomiyo Mano Dwarore: Jopuonjre manyien mag Yesu nyaka puonjre rito “weche duto” ma nochikowa, kendo mano oriwo puonjo ji adiera. (Mat. 28:19, 20) Jopuonjre mathoth osedonjo e Skul mar Tij Nyasaye, kendo nyalo bedo ni giselendo ne joodgi kata osiepegi. Kata kamano, kaka gimedo timo dongruok kuom gigo ma gisepuonjore, kendo neno kaka Jehova dwaro ni ji mathoth oyud wach maber, jopuonjre manyien-go nyalo gombo mondo gin bende gibed jolendo. (Rumi 10:13, 14) Bang’ ka jopuonjre manyien-go osepwodh mondo gibed jolendo ma pok obatisi, biro dwarore ni gimed yudo tiegruok mondo okonygi bedo jochir nikech okang’ maduong’ ma gisekawono mar tiyo ne Nyasaye.—Luka 6:40.
Tem Timo Mae e Dweni:
Lend ot ka ot gi japuonjreni, kendo idhi kode sama idok timo limbe kata tayo puonjruok moro mar Muma. Kapo ni ionge gi japuonjre Muma, inyalo gwelo jalendo moro ma pok olony e tij lendo mondo olend kodi.