Kaka Wanyalo Medo Lony e Tij Lendo​—Lendo ne Ji Duto Manie Alworawa

GIMOMIYO MANO DWARORE: Zekaria nokoro ni ji mawuok e ogendni duto gi dhok duto biro rwako wach maber. (Zek 8:23) Kata kamano, ng’ano ma ne dhi puonjogi? (Rum 10:13-15) Wan gi migawo maduong’ mar puonjo ji wach maber e alworawa duto.​—od 84 ¶10-11.

KAKA WANYALO TIMO MANO:

• Tim ikruok. Be ijaromoga gi joma wacho dhok machielo? Inyalo tiyo gi JW Language app mondo ipuonjri kaka inyalo chako wuoyo kodgi. Kata, inyalo tiyo gi simu kata tablet e nyise kaka onyalo yudo weche momedore e dhok mowacho kotiyo gi jw.org

• Ikri lendo ne ng’ato ang’ata. Ka po ni ilendo ot ka ot, kik iwe thuolo mar lendo obayi. Wuo gi joma kalo kata joma rito mtoka. Ka po ni ilendo e lela, ket pachi e tij chiwo neno

• Bed jakinda. Tem dok lendo e ute ma ne ok iyudoe ji kinde mokalo. Tim kinda e chopo ne joma odak e alworano, e seche mopogore kata e odiechieng’ machielo e juma. Nitie weg udi moko ma inyalo mana yudo ka ondiknegi barua, ka ogonegi simu, kata ka olendnegi e nderni

• Dog limo joma orwako wach. Dog mapiyo kaka nyalore mondo ilim joma norwako wach. Kapo ni ng’atno wacho dhok machielo, tem manyo jalendo mong’eyo dhok mowachono mondo okonye. Onego idhi nyime limo ng’atno nyaka kinde ma ibiro yudoe jalendo mong’eyo dhok mowachono.​—od 94 ¶39-40

NEURU VIDIO MA WIYE WACHO NI LENDO “NYAKA KUONDE MABOYO MOGIK E TUNG’ PINY,” KAE TO UNON PENJO MALUWOGI:

• 

  Gin ikruoge mage ma ne owete gi nyimine otimo mondo mi gichopne joma odak kuonde ma ok hiny lendee? (1Ko 9:22, 23)

• 

  Chandruoge mage ma ne ochuno ni ginyagrego?

• 

  Gin gueth mage ma ne giyudo?

• Inyalo timo ikruok kaka mage mondo ichop ne ji mang’eny modak e alworau?