Kaka Wanyalo Medo Lony e Tij Lendo​—Lendo ne Ng’at ma Wacho Dhok ma Wendo

Gimomiyo Mano Dwarore: Jehova dwaro ni ng’ato ang’ata moa e “oganda moro amora” obed gi winjruok maber kode. (Tich 10:34, 35) Mano e momiyo Yesu ne owacho ni ne idhi land wach maber “e piny mangima” kendo ne “ogendni duto.” (Mat. 24:14) Zekaria nokoro ni ji “moa kuom dhumbe duto mag ogendini” ne dhi rwako wach maberno. (Zek. 8:23) Kaluwore gi fweny ma jaote Johana noneno, joma biro tony e masira maduong’ “oa e ogendni duto, gi dhoudi duto, gi ji mopogore opogore duto, kendo gi dhok duto.” (Fwe. 7:9, 13, 14) Kaluwore gi wechego, sama waromo gi ng’at ma wacho dhok ma wendo e alworawa, onego watem mondo walendne.