Jolendo ma chiwo trakt machiegni gi Monrovia, e piny Liberia

Weche Mwanyalo Chako Wuoyogo gi Ji

●○○ LIMBE MOKWONGO

Penjo: Be Muma pod konyo e kindegi?

Ndiko: 2Ti 3:16

Penjo mar Limbe Maluwo: En ote mane maduong’ manie Muma?

○●○ DOK LIMBE

Penjo: En ote mane maduong’ manie Muma?

Ndiko: Mat 6:10

Penjo mar Limbe Maluwo: Pinyruodh Nyasaye biro timo ang’o?

○○● DOK LIMBE MAR ARIYO

Penjo: Pinyruodh Nyasaye biro timo ang’o?

Ndiko: Da 2:44

Penjo mar Limbe Maluwo: Pinyruodh Nyasaye biro kelo lokruoge mage e piny?

Chakre dweni, chenro mar chokruog Ngimawa kod Tijwa Kaka Jokristo biro bedo gi vidio ma nyiso penjo ma wapenjo ng’ato, ndiko ma wasomone, kod penjo mar limbe maluwo. To juma ka juma wabiro bedo gi vidio achiel ma nyiso mano. Ok bi tug vidio adek duto mag weche mwanyalo chako wuoyogo gi ji nyadichiel kaka ne watimoga chon. Jalendo ka jalendo biro yiero achiel kuom Gige Puonjo ma obiro tiyogo kod sama obiro tiyoe kode, bed ni en e limbe mokwongo kata e dok timo limbe. E wi mano, chenro mar chokruok biro bedo gi paro ma wanyalo tiyogo sama wadok e limbe maluwo. Mae biro konyowa mondo waket pachwa e tijwa maduong’ ma en puonjo ‘ji duto ma chunygi ni kare ne ngima mochwere.’—Tic 13:48.

Migepe mag Jopuonjre: Jopuonjre onego oti gi paro mochiw e weche mwanyalo chako wuoyogo gi ji, mak mana ka owach achiel kachiel ni gitim gima opogore.