Kaka Wanyalo Tiyo gi Weche Mwanyalo Chako Wuoyogo gi Ji

Itimoga kinda ahinya mondo oik weche mwanyalo chako wuoyogo gi ji kendo jolendo mang’eny oseyudo ni wechego tiyonegi maber e alwora ma gilendee. To nikech chal opogore opogore e piny mangima, jolendo ni thuolo tiyo gi yo machielo sama gilendo kata tiyo gi wich ma nyalo moro joma nie alworagi. Kata kamano, sama watimo kampen, biro dwarore ni wati gi weche ma omiwa. Dwarowa maduong’ en chopo tich ma Yesu nomiyowa mar yalo wach maber mar Pinyruoth.​—Mat 24:14.

Sama jolendo nigi migepe mag jopuonjre, onego giti gi weche mwanyalo chako wuoyogo gi ji ma yudore e Ngimawa kod Tijwa Kaka Jokristo​—Chenro mar Chokruok. Kata kamano, ka luwore gi kaka alworagi chalo, gin thuolo yiero penjo machielo, ndiko machielo, kata penjo machielo mar limbe ma luwo, mak mana kowach achiel kachiel wach monego giwuoye. Wachni loko paro ma ne oket e Ngimawa kod Tijwa Kaka Jokristo​—Chenro mar Chokruok ma Jun 2020 ite mar 8.