“Gima Nyasaye Oseriwo . . .”

Chik Musa ne dwaro ni ng’at ma dwaro ketho kendgi obed gi barua mar ketho kend. Mano ne mono ji ketho kend ao yaye. Kata kamano, e kinde Yesu, jotend din nomiyo ketho kend obedo gima yot. Chwo ne nyalo ketho kend nikech weche matindo tindo. (weche mag timo nonro e Mar 10:4, nwtsty “barua mar riembo chiege”; weche mag timo nonro e Mar 10:11, nwtsty, “ma ketho kend gi chiege chuth,” “ochodo, kendo otimone richo”) Yesu nonyiso maler ni Jehova ema nochako chenro mar kend. (Mar 10:2-12) Dichwo gi dhako ne dhi bedo “ringruok achiel” kendo siko kamano. Yo achiel kende ma Ndiko oyiene ng’ato ketho kend, en “terruok.”​—Mat 19:9.

Kindegi, ng’eny ji nigi paro ma Jo-Farisai ne nigo e wi kend, to mano opogore gi paro ma Yesu ne nigo. Sama jopiny oyudo chandruok, yot ahinya mondo giketh kend. Jokristo ma okendore to neno singruok mar kend ma ne gitimo kaka gima duong’ kendo gitiyo gi puonj mag Muma e loyo chandruoge ma giyudo. Bang’ neno vidio ma wiye wacho ni Hera kod Luor Miyo Joot Bedo gi Winjruok Maber, dwokuru penjo maluwogi:

• 

  Ere kaka inyalo tiyo gi puonj mayudore e Ngeche 15:1 e kend maru, to ang’o momiyo mano dwarore?

• Ere kaka ndiko mar Ngeche 19:11 nyalo konyi geng’o chandruok?

• Sama kend maru chiegni kethore, kar mondo ipenjri ni ‘Be onego aketh kend?’ gin penjo mage monego ipenjri?

• Ere kaka ndiko mar Mathayo 7:12 nyalo konyi bedo dichwo kata dhako maber?