Ihero Wach Nyasaye e Okang’ ma Romo Nade?

Muma oting’o paro kod weche mag Jehova Nyasaye ma e wuon Muma. (2Pe 1:20, 21) Muma jiwo ni Nyasaye biro tiyo gi Pinyruodhe e nyiso ni en e ma en gi ratiro mar bedo jaloch mar polo gi piny. Mano miyo dhano bedo gi geno ni e kinde mokayo machiegni, ngima biro bedo maber. Muma bende konyowa fwenyo kido mabeyo ma Jehova Wuonwa ma nie polo nigo.​—Za 86:15.

Nitie gimomiyo ng’ato ka ng’ato kuomwa ohero Wach Jehova. Kata kamano, be wanyiso ni wahero mich ma jaberni kuom some pile ka pile kendo tiyo gi gik ma wasomo e ngimawa? Timbewa mondo onyis ni wan gi paro ma chal gi mar jandik-zaburi ma nowacho niya: “Ahero chikni nadi!”​—Za 119:97.

NEURU VIDIO MA WIYE WACHO NI NE GIGENO MUMA​—EN BATH VIDIO (WILLIAM TYNDALE), KAE TO UDWOK PENJO MA LUWOGI:

• 

  Ang’o momiyo William Tyndale noloko buge moko ma ni e Muma?

• Ang’o momiyo kinda ma notimo mondo olok Muma en gima iwuoro?

• Ere kaka Muma ma Tyndale noloko noter e piny England aling’ ling’?

• Ere kaka wanyalo nyiso ni wahero Wach Nyasaye?