Ang’o ma Wanyalo Puonjore e Wendewa Makende?

Gin wendewa mage makende miheroga? Iherogi nikech ang’o? Be vidio mag wendego nyiso gik ma timore e ngima mapile? Nikech wendego ower e yore mopogore opogore kendo gin gi puonj mopogore opogore, ng’ato ka ng’ato nyaka yudie ma more. Kata kamano, wendego kod vidio molosnegi ok olos mana ni mondo omorwa kende.

Wer ka wer nigi puonj maduong’ ma wanyalo tiyogo e ngimawa kaka Jokristo kod tijwa mar lendo. Wende moko nyiso kaka wanyalo bedo joma rwako welo, joma nigi winjruok maber e kindgi, bedo osiepe mabeyo, bedo gi chir, hera, kod yie. Moko nyiso kaka ng’ato nyalo duogo ir Jehova, kaka wanyalo weyo ne jomoko kethogi, kaka wanyalo makore gi Jehova pile ka pile, kod kaka wanyalo medo tiyo ne Jehova e yore mathoth. Nitie moro ma nyiso kaka wanyalo tang’ mondo simbewa kik kaw pachwa ahinya. Gin puonj mage mamoko ma konyi ma iseyudo e wendewa makendego?

NEURU VIDIO MAR WER MAKENDE MA WIYE WACHO NI PARADISO CHIEGNI, KAE TO UDWOK PENJO MA LUWOGI:

• Gin gueth mage mag kinde mabiro ma joot ma hikgi oniang’go paro?​—Cha 12:3

• Ere kaka wanyalo medo bedo gi yie motegno ni Jehova biro chopo gik mosingonwa?

• Gin kinde mage mag mor moritowa nyime kanyachiel gi jowa ma nosetho?

• Ere kaka geno mar Pinyruoth konyowa mondo wanan e tembe ma waromogo sani?​—Rum 8:25