Gik ma Nyalo Konyi e Puonjruok

Puonjri Mako ‘Wendewa mag Lamo’ gi Wiyi

“Sama chunya onyosore, Jehova jiwaga gi wendewa ma yudore e JW Broadcasting^®.”​—Lorraine, Amerka.

Wer en achiel kuom yore ma walamogo Jehova. (Kol. 3:16) Ka imako wendewa gi wiyi, mano nyalo konyi sama ionge gi bug wer mogo e otas kata ma dijitol. Yore ma luwogi nyalo konyi mako wendewa gi wiyi. Temgi ane.

• Som weche mag wer adimba mondo iwinj tiendgi. Sama ing’eyo tiend wechego maber, yot parogi. Weche mag wendewa, moriwo wende makende kod mag nyithindo yudore e jw.org/luo. E kare mar Laibrari, dhi e Thum.

• Ndik weche mag wer piny. Timo kamano biro miyo wechego ogurre e pachi kod e chunyi.​—Rap. 17:18.

• Puonjri wer gi dwol. Som kata iwer weche mag wer nyadinwoya.

• Tem paro weche mag wer, ma ok isomogi. Tem wero wer moro ma ok isomo wechene e buk, kae to ine ane ka be inyalo paro weche mag wendno.