Kaka Wanyalo Medo Lony e Tij Lendo​—Lendo ka Watiyo gi Kamera Kata Simo

GIMOMIYO MANO DWARORE: Teknoloji ma nya sani kod timbe mag mahundu ma siko ka medore osemiyo ji mang’eny oketo kamera kod simo e dhoutegi nikech giluor yawo dhoutegi ne joma ok ging’eyo. Wanyalo bedo maluor lando wach maber ne ng’at ma nenowa to wan ok wanyal nene. Weche ma luwogi biro konyowa mondo walend ka watiyo gi kamera kata simbe ma oket e dhoudigo ka wan gi chir.

KAKA WANYALO TIMO MANO:

• Bed gi paro mowinjore. Thoth joma oketoga kamera kata simo e dhoutegi ok tamrega wuoyo kodwa

• Par ni nitie kamera moko ma chakoga mako gik ma timore ka pok ng’ato odiyo olang’. Omiyo, nyalo bedo ni wuon ot neni kendo winjo gik ma timore kata ka pok ichopo machiegni gi ode

• Sama wuon ot owuoyo kodi, wuo e kamera kata e simo mana ka gima iwuoyo kode wang’ gi wang’. Bwonj kendo wuo kaka iwuoyoga pile. Wachne mana gik ma ne ichano wacho ka dine obiro wuoyo kodi achiel kachiel. Kik iket wiyi machiegni ahinya gi kamera. Ka wuon ot ok owuoyo e kamera kata e simo, kik iwene ote moro amora

• Par ni wuon ot pod nyalo bedo ni dhi nyime ng’iyi kata chiko ite ne gik ma iwacho kata bang’ ka usetieko wuoyo kode