Bed Painia

Sama wabedo gi chenro mag gik ma wadwa timo e tij Jehova, mano miyo watiyo gi tekowa e yo maber. (1Ko 9:26) Bedo gi chenro ma kamago miyo watiyo gi thuolowa e yo maber ka giko mar pinyni pok ochopo. (Ef 5:15, 16) Sama utimo lamo mar joot, donge unyalo wuoyo e wi gik ma unyalo timo e tij Jehova e higa mar tijwa ma luwo? Chenro mar chokruok ma watiyogo sanini nigi sula mopogore opogore ma wuoyo wi gik minyalo timo kendo minyalo paro kuomgi matut e yor lamo.​—Jak 1:5.

Kuom ranyisi, donge unyalo winjoru kaka joot mondo usir achiel kuomu obed painia mapile? Ka po ni in gi kiawa kabe ibiro chopo seche ma dwarore, donge inyalo wuoyo gi jopainia mamoko ma kit ngimagi dwa chalo gi mari? (Nge 15:22) Samoro unyalo kata mana gwelo painia moro e lamou mar joot mondo ugo kode mbaka e wi gik ma un-go gi kiawa. Kae to ndik piny chenro mopogore opogore minyalo tiyogo. Ka po ni ne isegabedo painia kinde mokalo, donge inyalo nono chalni mondo ine ane ka inyalo bedo painia kendo?

Be nyalore mondo moko kuom joodu obed jopainia makonyo kuom dwe achiel kata mokalo kanyo? Ka po ni tekoni osedok chien, donge inyalo bedo painia makonyo kuom lendo seche matin odiechieng’ kodiechieng’? Ka po ni in gi thuolo matin e kor juma nikech itiyo kata idhi e skul, donge inyalo yiero bedo painia makonyo e dwe ma nigi holiday kata dwe ma nigi giko juma abich? E kalenda mari, yier dwe ma diher bedo painia makonyo kae to indik kaka ibiro lendo.​—Nge 21:5.

NEURU VIDIO MA WIYE WACHO NI, BED GI CHIR . . . JOPAINIA, KAE TO UDWOK PENJO MA LUWONI:

• Ranyisi mar Nyaminwa Aamand puonjowa ang’o e wi kaka Jehova nyisoga ni ohero joma ochiwore mondo obed jopainia kendo oritogi?