Gik ma Nyalo Konyi e Puonjruok

Puonjri Weche Momedore e Wi Kido mag Jehova

Sama wasomo Muma, wanyalo tiyo gi gige timo nonro mopogore opogore mondo wawinj tiend gik ma wasomo. Kata kamano, ok wasomga mana ni mondo wamed ng’eyo weche mang’eny e Muma. Kar mano, wadwaro puonjore weche momedore e wi kido mag Jehova nikech mano biro miyo wamed here ahinya. Mondo wachop wachno, wanyalo penjore ni, ‘Ang’o ma ndiko ma asomoni puonja e wi Jehova?’

Inyalo nono gima ndikono puonji e wi kido madongo mag Jehova ma gin hera, rieko, ng’ado bura kare, kod teko. Kata kamano, mago kende ok e kido ma Jehova nigo. En gi kido mamoko mang’eny ahinya. Ere kama inyalo yudoe weche momedore e wi kidogo?

Ne ane kido moko mokalo 50 ma yudore e bug Fahirisi e bwo wich ma wacho ni “Yehova,” kae to idhi e wich matin ma wacho ni, “Sifa Kulingana na Majina.” Tim nonro mana kuom kit Jehova motudore gi kama isomo e Muma. (Ka po ni in mana gi Buk Makonyo Joneno mag Jehova e Timo Nonro, dhi e wich ma wacho ni “Jehova Nyasaye” kae to idhi e bwo wich ma wacho ni, “Kido mag Jehova.”)