Gik ma Nyalo Konyi e Puonjruok

Kaka Wanyalo Dhi Riat gi Lokruoge Mitimoga e Yo Milerogo Adiera mag Muma

Wamor ahinya dak e kinde ma Jehova medo leronwae tiend adiera manie Muma, moloyo kinde moro amora mosekalo. (Dan. 12:4) Kata kamano, wanyalo yudo ka ok yotnwa dhi riat gi lokruoge mitimoga e yo milerogo adiera mag Muma. Ere kama wanyalo yudoe lokruogego kod yo milerogigo?

• Buk miluongo ni Watch Tower Publications Index nigi wich moro ma wacho ni “Beliefs Clarified,” moting’o lokruoge ma osetim e yo ma walerogo adiera mag Muma, kendo ochan-gi ka luwore gi higni ma notimie lokruogego. Mondo iyud list mar wechego, ndik “understanding clarified” (moriwo nyaka alama moket tung’-tung’go) e sanduk mar manyo weche e Watchtower Library kata Watchtower ONLINE LIBRARY^™.

• Buk Makonyo Joneno mag Jehova e Timo Nonro nigi list machuok mochan ka luwore gi weche miwuoye. Dhi e “Joneno mag Jehova,” kae to “Paro ma Wan-go kod Gik Mwayiego,” kae to “Lero Gik Mwayiego.”

E puonjruok ma mari iwuon, donge inyalo nono achiel kuom weche ma notimnegi lokruok machiegnini kod ndiko ma konyowa ng’eyo gimomiyo notim lokruogno?