Gimomiyo Lwenje kod Ywaruok Pod Dhi Nyime

RICHO

Nyasaye nochueyo jonyuolwa mokwongo ma gin Adam gi Hawa e kite owuon. (Chakruok 1:27) Mano nyiso ni ne gidhi bedo gi kido kaka mag Nyasaye moriwo kuwe kod hera. (1 Jo-Korintho 14:33; 1 Johana 4:8) Kata kamano, Adam gi Hawa ne ok owinjo Nyasaye kendo ne gitimo richo. Mano norwako dhano duto e richo kod tho. (Jo-Rumi 5:12) Richo ma ne wayudo kuom jonyuolwa mokwongo miyo wabedo gi paro maricho kendo timo gik ma ok kare.—Chakruok 6:5; Mariko 7:​21, 22.

SIRKENDE MAG DHANO

Nyasaye ne ok ochueyowa mondo waloch e wiwa wawegi. Muma wacho kama: “Dhano onge gi teko e wi yorene owuon.” (Jeremia 10:23) Nikech mano, sirkende mag dhano ok nyal tieko lweny kod ywaruok chuth.

SATAN KOD JOCHIENDE

Muma wacho ni “piny duto ni e teko mar ng’at marach.” (1 Johana 5:19) ‘Ng’at marachno’ en Satan Jachien kendo ohero nek. (Johana 8:44) Satan kod jochiende e ma chwaloga ji mondo gitug lweny kod timbe mag mahundu.—Fweny 12:​9, 12.